نكــــتة ومن أول الســطر.......2....في المستشفي
ولدي الصغير في يوم سخن يعني كان لامؤاخذة بشوية عـافية
قلت أخده وأروح أجري على الوحدة قـاموا حولونى الـمستشفي
أخدت الواد وروحت ولاقيت خلق كـتير قوي في طابور واقـفة
اصل الدوا غالي والجيب يابوي خالي والعلاج عاوز كتــيركلفة
بصيت شفت واحد جاري وحبيبي شغال تمرجي هناك بالصـدفة 
ناديت عليه يمكن يريحنى من الطول الطابور ويريحنى من اللفة
وعمل نفسه مش داري ةلا صحبي ولا جاري ومصـمص الشفة
قلت ملعون ابو الحوجة اللي حوجتني ليك وحدفتني دى الحدفة
ده لو حابيع داري وكل محتالي ولا احتاج واتذل في دى الوقفة
ورحت لطبيب تاني في عيادته باشا وكتب لي العلاج والوصفة
صحيح الكشـف كان غالى والدوا أغلى والحالة صحيح ناشفة
بس اطمنت على الواد واشتريت نفسي بمالي من الذل والكسفة
باقي بس سؤال في الدمغ بيزن ياخال يا ترى الحكومة عارفة
وضحكت على حالنا وحالي بس بمرارة ودمعة بالعين ناشفة
ونكته ومن اول السطر................